Бишкекте Жогорку Кеңештин депутаты Төрөбай Зулпукаровдун тарапташтары шаардык соттун имаратынын жанында митингге чыгышты.
Бүгүн сот “Кумтөр” иши боюнча айыпталуучулардын баш коргоо чарасын узартуу боюнча адвокаттардын арызын карайт.
60ка жакын адам Төрөбай Зулпукаровду бошотууну талап кылууда. Митингчилердин айтымында, бийлик жарандарды мыйзамсыз камакка алууну токтотушу керек.
Белгилей кетсек, УКМК “Кумтөр” боюнча козголгон кылмыш иштерин иликтеп жатат. Июнда мурдагы жана азыркы депутаттар Төрөбай Зулпукаров менен Исхак Пирматов УКМКнын тергөө абагына эки айга камалган. Мурдагы премьер -министр Өмүрбек Бабанов, парламенттин мурдагы төрагасы Асылбек Жээнбеков жана биринчи вице -премьер -министр Тайырбек Сарпашев соттун чечими менен камакка алынды. 3-августта экс-премьер-министр Темир Сариев кармалган.
