Коронавируска каршы республикалык ыкчам штабдын 30-августтагы маалыматына караганда, бир суткада өлкө боюнча алты киши каза болду.
Жалпысынан коронавирустан каза болгондордун расмий саны 2 524 адамга жетти.
Соңку бир күн ичинде вирус дагы 152 адамдан табылды. Өлкөдө бул оору 175 589 адамга жукканы расмий катталды.
Азыр ооруканада 1 136 адам жатат, дагы 1 071 бейтап үйдөн дарыланууда. Бир суткада вирустан 300 адам айыгып, жалпы сакайгандардын саны 169 417 киши болду.
