Бишкектеги көп кабаттуу үйлөрдүн бирине Айсулуу Тыныбекованын сүрөтү тартылууда.
Үй Жусуп Абдрахманов — Токтогул көчөлөрүнүн кесилишинде жайгашкан. Имаратка балбан кыздын сүрөтүн түшүрүүнү DOXA чыгармачыл тобу колго алган.
Эскертке кетсек, Айсулуу Тыныбекова быйыл Токиодо өткөн Олимпиада оюндарында кыз-келиндер күрөшү боюнча 62 кг салмакта күмүш байге алган. Ал – дүйнөнүн бир жолку, Азиянын төрт жолку чемпиону жана бир нече эл аралык мелдештердин жеңүүчүсү, байге ээси.
Тыныбекова – кыргызстандык балбандар арасында дүйнө чемпиону болгон биринчи жана жалгыз спортчу. Кыз-келиндер арасында биринчилерден болуп Азия чемпиону аталган.
